Om leirstaden
Ein levande leirstad
Nesholmen er natur og aktivitet for heile familien, idyllisk plassert midt i vakre Hyen, omtrent ein times køyring frå Florø, Førde og Sandane. Her finn du ein samlingsstad for naturopplevingar, aktivitet og rekreasjon – perfekt for både store og små.
Nesholmen ligg ved Eimhjellvatnet og byr på fine badeplassar med både strender og svaberg. Du kan fiske både frå land og båt. Vi leiger ut SUP, kano, robåt og tilpassa motorbåt for rullestolbrukarar. Hyen er utgangspunkt for både lange og korte turar i skog, fjell og kulturlandskap. I området finn du også fleire interessante kulturminne.
Nesholmen er ein populær badeplass, og du kan nytte grillar og utemøblar anten du er dagsturgjest eller overnattar. På høgsommaren har vi oftast open kiosk, og matservering somme dagar. Vi har aktivitetar som fotballbane, sandvolleyball, basketballbane og leikeplass – alt i nærleiken av naturen.
Nesholmen leirstad er godt eigna for ulike typar arrangement:
• Leirverksemd
• Skuleturar
• Seminar og kurs
• Aktivitetsturar
• Bryllaup, slektstreff o.l.
• Konfirmasjonsselskap og bursdagsfeiring
• Ferie- og fritidsopphald
Vi har totalt 103 senger vår, sommar og haust, og ca. 50 når det er kald vinter. I tillegg kan du bu i telt, bubil og campingvogn. Anten du er på tur med familien, saman med vener, eller som del av eit større arrangement, kan du få eit hyggeleg opphald på Nesholmen.
Nesholmen er eigd av Sogn og Fjordane KFUK-KFUM.
Velkommen til Nesholmen – opplevingar for livet!
Arrangement og aktivitetar
«Hjartet av Nesholmen» er vårt kjære gamle forsamlingshus som kan brukast til mange forskjellige aktivitetar og arrangement. Du kan leige lokale og arrangere med stor eigeninnsats, eller vi hjelper deg med mangt og mykje. Vi er fleksible og gjer vårt beste for at du skal få til leiren, kurset, turen eller selskapet du ønskjer.
Ta kontakt for meir informasjon.
Kort om lang historie
Den beste plassen!
«Eg er på leiting etter ein leirplass, Anders». «Eg veit plassen». Denne opninga av ei samtale mellom Magnus Hauge og Anders Hjorteset (bilde) blei innleiinga til ei spennande historie om Nesholmen Leirstad i Hyen.
